“BE duhet të nxisë dhe të përdorë të gjitha mjetet dhe mekanizmat për të realizuar planin e zgjerimit”, shkruan “Economist”.

Sipas të përditshmes, gjasat e anëtarësimit të Ballkanit Perëndimor në Bashkimin Evropian janë larg optimizmit dhe pritshmërisë.

“Përveç Kroacisë, vendet e tjera të Ballkanit Perëndimor është vështirë që deri në vitin 2020 të jenë anëtare të BE-së”, shkruan revista londineze, duke numëruar problemet me të cilat përballen vendet.

Duke u ndalur te Maqedonia, ashtu siç quhet FYROM, në revistë theksohet se ky vend ballafaqohet me kontestin e emrit me Greqinë, i cili po frenon fillimin e negociatave për anëtarësim. Revista britanike pasqyron edhe shkaqet që vendet e tjera të rajonit të mos bëhen pjesë e BE-së për një periudhë të largët.

Në mes të problemeve, revista përmend krimin e organizuar dhe korrupsionin që mbetet shqetësues në vendet e tjera që presin vlerësimin për anëtarësimin në BE.
_________________

Nje dite me pare, komisioneri për zgjerim në Bashkimin Evropian, Stefan Fyle deklaroi se lufta kundër krimit dhe korrupsionit është sfidë për Ballkanin Perëndimor në rrugën e vet integruese drejt BE-së.
“Lufta kundër krimit të organizuar dhe korrupsionit janë sfidë e përbashkët e të gjitha vendeve të rajonit të Ballkanit Perëndimor dhe të BE-së, dhe theksoi se zgjidhja e këtij problemi është njëri nga kushtet për hyrje në Union”, tha ai.
Komisioneri, cituar sot nga mediat malazeze ka shtuar më tej se BE-ja nga vendet kandidate pret që çështjen për sundimin e së drejtës ta zgjidhin së shpejti, në procesin para inkuadrimit.

“Ato duhet të përgatiten për anëtarësimin në Union, ndërkohë që Brukseli është i gatshëm të ofrojë mbështetje më të madhe për të realizuar me sukses kriteret e kërkuara”- ka theksuar ai.

Ne nje deklarate te pak diteve me pare, Fyle ka bere me dije se Integrimi i Ballkanit Perëndimor në Bashkimin Europian do të jetë më i vështirë si pasojë e kritereve më të rrepta. Sipas tij progres- raportet e Komisionit ndaj Shqipërisë, Malit të Zi, Maqedonisë, Serbisë dhe Kosovës do të jenë më të ashpra.

“Komisioni Europian nuk bën gjë tjetër veçse përcakton kriteret dhe standardet, kurse të tjerat duhet t’i bëjnë aktorët e brendshëm, pra t’i miratojnë dhe t’i zbatojnë ato. Do të desha t’u bëja të qartë qytetarëve dhe politikanëve të vendeve-aspiruese për në BE që të mos mendojnë se procesi i anëtarësimit, pra dinamika e tij, kontrollohet nga BE-ja”, vuri në dukje z. Fule.

*****
11 Maj
Pas takimit në Këshillin e Stabilizim-Asocimit ndërmjet Shqipërisë dhe Bashkimit Europian, Komisioneri për Zgjerimin, Stefan Fule dhe Sekretari spanjoll i Shtetit, Diego Lopez Garrido dhanë në një konferencë të përbashkët për shtyp me ministrin tonë të Jashtëm, Ilir Meta.

Komisioneri Fule i ka bërë edhe njëherë apel politikaneve shqiptarë të zgjidhin ngërcin politik. “Udhëheqja politike në Shqipëri duhet të tregojë maturi, politikanët duhet të zgjidhin këtë krizë. Janë të gjitha mjetet e nevojshme për ti dhënë fund kësaj situate”, tha ai duke shtuar se “politikanët do të kenë mbështetjen tonë”. Sipas tij, kriza mund të zgjidhet përmes gjykatave dhe institucioneve.

Ndërsa përfaqësuesi i Spanjës në BE, vend që ka presidencën e BE-së, theksoi se është e domosdoshme të normalizohet jeta politike në vend. “Dua të përsëris se një demokraci funksionon kur parlamenti punon, kjo është mënyra më e mirë për të zgjidhur situatën”, u shpreh Garrido.
Nga ana tij ministri i Jashtëm, Meta tha se ka një zgjidhje të mesme mes kërkesave të opozitës për transparencë dhe vendosmërisë së mazhorancës për të mos dalë mbi vendimet e gjykatave. “Mes transparencës dhe respektimit të Kushtetutës ka një hapësirë për të gjetur një kompromis në mënyrë që të zgjidhen të gjitha cështjet e ngritura nga opozita”, u shpreh Meta, ndërsa shprehu keqardhje për grevën, duke deklaruar se “kam qenë vetë në një të tillë, por ajo nuk është mënyra e duhur për të zgjidhur problemet”.

Vendoseni kte artikull :

Ministrat e Brendshëm të Europës Juglindore të mbledhur në Tiranë për konferencen mbi Sigurinë e Kufijve deklaruan sot se do t’i kërkojnë Bashkimit Europian të përshpejtojë procedurat për liberalizmin e vizave me Shqipërinë. Deklarata u lexua në mbyllje të konferencës nga ministri ynë i Brendshëm Lulzim Basha.
“Duke pranuar përparimin dhe rezultatet konkrete të reformave në Shqipëri, ministrat e Brendshëm i bëjnë thirrje BE të përshpejtojë vendimarrjen për të garantuar regjimin e lëvizjes së lirë, Shqipërisë dhe Bosnjë Hercegovinës, duke njohur progresin që këto dy vende kanë bërë në përmbushjen e plotë të kritereve për të përfituar liberalizimin e vizave”, u shpreh ministri Basha.
Vendi ynë gjendet në fazën e vrojtimit, theksoi ai. Sapo ka përfunduar inspektimi nga ana e ekspertëve europianë të cilët vizituan vendin tonë në muajin shkurt ku panë se si janë zbatuar kërkesat e udhërrëfyesit. Brenda muajit prill, Komisioni Europian do të bëjë një raport vlerësimi në bazë të së cilit varet edhe vendimi i vendeve anëtare të Bashkimit Europian mbi Shqipërinë.
Fajon: BE të mos ndikohet nga shembujt në Maqedoni e Serbi
Ajo çfarë ka ndodhur me azilkërkuesit nga Maqedonia e Serbia “në asnjë mënyrë nuk duhet të dëmtojë liberalizimin e vizave këtë vit për Shqipërinë dhe Bosnjën”. Kështu ka deklaruar sot europarlamentatja, Tanja Fajon.
Lajmet e fundit për rritjen e numrit të strehimkërkuesve nga Serbia dhe Maqedonia në Belgjikë dhe Gjermani kanë krijuar dilema dhe drojë nëse liberalizimi i vizave ishte një vendim i drejtë. Ndaj Fajon tha se “kërkoj nga të gjitha vendet e Ballkanit Perëndimor të marrin përgjegjësinë jo vetëm për të përmbushur kriteret, por dhe t’i dërgojnë njerëzve një mesazh të qartë rreth asaj se çfarë do të thotë realisht liberalizimi i vizave. Politikanët duhet të ndalojnë menjëherë fluksin e migrantëve të rinjë që kërkojnë strehim në vendet e BE-së”.
Nga dhjetori i kaluar banorëve të këtyre vendeve iu hoqën vizat për vendet e zonës Shëngen. Mijëra shtetas të Maqedonisë por edhe të Serbisë kanë kërkuar strehim politik në vendet e BE-së.
Nderkohë Partia Demokratike do të propozojë të enjten e ardhdhme një rezolutë ne Parlament për liberalizimin e vizave. Kështu u shpreh kreu i grupit parlamentar demokrat Astrit Patozi, sipas të cilit çdo aktor tjetër duhet të japë kontribut për këtë proces shumë të rëndësishëm për vendin tonë. Patozi këmbënguli se qeveria ka një prioritet të padiskutueshëm çështjen e liberalizimit të regjimit të vizave, duke nënkuptuar edhe mbështetjen e opozitës.
___________________
Azilkërkuesit ballkanas pushtojnë Belgjiken e Gjermaninë
3 mars
Komisioni Evropian do të mbledhë informacion mbi fenomenin e rritjes së frikshme të numrit të azil-kërkuesve nga Maqedonia dhe nga Serbia në vendet e Bashkimit Evropian pas liberalizimit të vizave me këto dy vende.
Në të njëjtën kohë, Këshilli i Ministrave të çështjeve të brendshme dhe të drejtësisë së BE-së, pritet ta përfshijë këtë temë në agjendën e takimit të ardhshëm.
Ishin pikërisht këta ministra që vitin e kaluar dhanë dritën jeshile për heqjen përfundimtare të vizave me Maqedoninë, Serbinë dhe Malin e Zi.
Gjatë mbledhjes së radhës që zhvilluan në Bruksel, Komisionerja evropiane për çështjet e brendshme dhe të drejtësisë, Cecilia Malmstrom, u shpreh se kjo çështje nuk u diskutua fare, por unë dëgjova gjatë ditës së sotme se kjo çështje është ngritur me disa vende anëtare të BE-së dhe se ministri belg do të udhëtojë për në Shkup për të diskutuar mbi këtë çështje. Pra unë jam në dijeni të një debati mbi këtë dhe Komisioni do të mbledhë sigurisht informacione mbi këto ngjarje për të parë se çfarë po ndodh”.
Fenomeni i eksodit masiv nga shqiptarët që jetonin në Kumanovë dhe në fshatrat e Likovës si dhe nga ata që jetonin në jug të Serbisë, në luginën e Preshevës, Bujanocit dhe Medvegjës, u evidentua në Belgjikë nga rritja e numrit të azil-kërkuesve në dy muajt e parë të vitit 2010. Mbi 700 qytetarë nga këto dy vende kanë kërkuar azil në Belgjikë në këtë periudhë kohore, shifër kjo që përkon më dyfishin e personave që kanë kërkuar azil nga këto dy vende gjatë gjithë vitit të kaluar.
Shanset e tyre për të përfituar azil janë inekzistente. Një pjesë e mirë e tyre pasi shesin pasuritë në vendet nga vijnë përfundojnë rrugëve të Brukselit pa strehë dhe pa mikpritjen e duhur, ndërsa fati që i pret është refuzimi, dëbimi dhe heqja e të drejtës për të udhëtuar në vendet Shengen për ta dhe për të afërmit e tyre. /Alsat/

Gazeta Shekulli

Vendoseni kte artikull :

Të dhënat flasin për 82 pasagjerë dhe 9 pjesëtarë të ekuipazhit. Burimet nga aeroporti ku u nis avioni thonë se fluturimi Et-409, nisur diku rreth orës 2,30 me orën lokale humbi kontaktet dhe u zhduk nga radarët 45 minuta pas ngritjes. Flitet se në mes të detit u pa një valë flake. Më tej pas prej tij nuk ka më asnjë shenjë.

Informacionet e para nuk flasin për ndonjë person të shpëtuar, ndërkohë që kanë nisur hetmet.

Njëra nga udhëtarët ishte edhe bashkëshortja e ambasadorit francez në Liban. Aeroplani duhet të fluturonte për në Adisë-Abebë të Etiopisë.

shekulli.com.al

Vendoseni kte artikull :

Shpërndarja e ndihmave përmes rrugëve automobilistike është penguar nga shqetësimet për sigurinë e tyre.
Këshilli i Sigurimit i OKB-së ka votuar ndërkohë të dërgojë 3500 trupa shtesë në Haiti për ruajtjen e rendit dhe ligjit dhe mbrojtjen e furnizimeve humanitare.
Këto do t’i shtohen më shumë se nëntë mijë trupave të OKB-së që janë në Haiti.
Një javë pas tërmetit shkatërrues në Haiti, avionë amerikanë kanë filluar të hedhin nga ajri ndihmat humanitare.

Në grupin e parë të ndihmave përfshihen edhe 14 mijë paketa me ushqim dhe 15 mijë litra ujë.
Ato u dërguan në një zonë të siguruar pranë kryeqytetit, Port-au-Prince.
Zyrtarët po shqyrtojnë mundësinë e shpërndarjes së ndihmave në këtë formë në të gjithë vendin.
Javën e kaluar, Sekretari amerikan i Mbrojtjes, Robert Gates përjashtoi shpërndarjen e ndihmave prej helikopterëve, duke thënë se kjo mund të ndizte trazira.
Shpërndarja e ndihmave përmes rrugëve automobilistike është penguar nga sheqetësimet për sigurinë e tyre.
Kamionët janë shoqëruar me eskorta ushtarake.
Ditën e hënë, policia e OKB-së valëviti shkopat e gomës për të detyruar turmat që të largoheshin prej ndihmave.
SHBA për logjistikën
Sekretari i Përgjithshëm i OKB-së, Ban Ki Moon, i ka kërkuar Këshillit të Sigurimit që të dërgojë 3500 policë dhe ushtarë në Haiti.
Ish presidenti amerikan Bill Clinton, që është i ngarkuari special i OKB-së për Haitin thotë se bashkëpunimi mes amerikanëve dhe trupave të OKB-së është duke përmirësuar përpjekjet e ndihmës.
Zoti Clinton tha se ushtria amerikane ka bërë një punë të mirë në organizimin e aeroportit të kryeqytetit.
Ai tha se operacionet e ndihmës ishin bërë më të qeta.
“Jam i inkurajuar nga marrëveshja që nënshkruan Sekretarja amerikane e Shtetit dhe presidenti Preval dhe momorandumi i mirëkuptimit mes trupave amerikane, që OKB-ja të vendos sigurinë, ndërsa amerikanët të sigurojnë logjistikën dhe shpërndarjen,” tha Bill Clinton.
Shtetet e Bashkuara thonë gjithashtu se do të lejojnë fëmijët jetimë që të vendosen përkohësisht në SHBA me qëllim që të marrin trajtim mjeksor.
Sekretarja për Sigurinë e Brendshme, Janet Napolitano, tha se SHBA-ja ishte e angazhuar për të shfrytëzuar të gjitha mundësitë për të ndihmuar në ribashkimin e familjeve.
Ndihmat për viktimat e tërmetit të Haitit kanë arritur në disa pjesë kryeqytetit, Port-au-Prince ndërsa OKB dhe Oxfam arrijnë të depërtojnë tek të mbjetuarit.
Punëtorët humanitar janë duke u ndarë ujë të pijshem dhe ushqime të mbijeturave.
Shtetet e Bashkuara po parashutojnë ujë me shishe, ndërkohë që në terren përdoren ushtarët për të mbajtur kontrollin.
Sekretari i përgjithshëm i OKB-së, Ban Ki Moon, thotë se situata në Haiti është ndër krizat humanitare më të rënda për dekada të tëra ndërsa për OKB-në, ai thotë se ka qenë ndër më tragjiket për shkak të humbjes së një numri të stafit të saj.
Penny Lawrence, drejtorja ndërkombëtare e organizatës bamirëse këtu në Britani, OXFAM i tha BBC-së pasi të ketë përfunduar faza e emergjences duhet të fokusohen në përmirësimin e infrastrukturës në një plan më afatgjatë.
OKB në Gjenevë thotë se tërmeti në Haiti është tragjedia më e madhe me të cilën është konfrontuar organizata përsa i përket logjistikës si rezultat i shkatërrimit të plotë të qeverisë lokale dhe kombëtare.
Organizata thotë se operacionet e ndihmës janë më të vështira se ato të ndeshura gjatë cunamit aziatik në 2004.
Ajo tha se aeroporti i Haitit është i tejmbushur, rrugët janë të bllokuara dhe infrastruktura që është e padëmtuar, është shumë e paktë.
Një zyrtar i lartë i OKB-së, Alain Le Roy, tha se kishte rëndësi të sigurohej që situata në Haiti të mos dilte jashtë kontrollit.
Është e qartë se ka disa incidente, por në përgjithësi situata ende mbetet nën kontroll…
Ai paralajmëroi se uria mund të shkaktonte probleme,ndërsa ndihmat nuk shkonin te të mbijetuarit shpejt.

“Ka patur disa incidente ku njerëzit kanë vjedhur dhe janë përleshur me njëri-tjetrin për ushqim. Është e qartë se ata janë të dëshpëruar. Kanë tre ditë që disa prej tyre janë pa ushqime apo ndonjë lloj ndihme. Pra është e qartë se ka disa incidente, por në përgjithësi situata ende mbetet nën kontroll.”
OKB po forcon patrullat e policisë dhe ato ushtarake në Port-au-Prince.
Admirali Ted Branch i marinës amerikane tha se siguria, sidomos në vendet ku uleshin helikopterët amerikanë kishte rëndësi.
Ai tha se nëse trupat amerikane përballeshin me përkeqësim të situatës, kjo do të ngadalësonte ndjeshëm, operacionet e ndihmës.
Obama vlerëson situatën
Presidenti amerikan, Barack Obama, thotë se do të jetë një sfidë e madhe të dërgosh ndihmë në Haiti shpejt dhe jashtë rrezikut.
Zoti Obama tha se SHBA po kryente një nga përpjekjet më të mëdha të ndihmës në historinë e vet.
Bashkë me të në Shtëpinë e Bardhë për këtë vlerësim ishin dhe dy paraardhësit e tij, Bill Clinton dhe George W Bush, që po drejtojnë përpjekjet për sigurimin e fondeve.
Zoti Bush tha se ajo çka për të cilën kishin nevojën haitianët nga amerikanët ishin paratë.

Rritet numri i viktimave
Ndërkohë të paktën 50 mijë vete dihet se janë varrosur deri më tani, por numri i të vdekurve pritet të jetë edhe tre herë më i lartë se ai numër.

Në Port au Prince, kamionë të mbushur me kufoma kanë dërguar trupat pa jetë në varreza masive jashtë qytetit. Mijëra trupa të tjerë pritet të jenë nën gërmadha.
Clinton dhe Ban në Haiti
Sekretarja amerikane e shtetit, Hillary Clinton, shkon në Haiti të shtunën për të parë nga pranë situatën në terren.
Ajo do të pasohet të dielën nga sekretari i përgjithshëm i OKB-së, Ban Ki Moon që tha se donte të tregonte solidaritet me popullin e Haitit.
OKB ka bërë thirrje për më shumë se 500 milionë dollarë për të ndihmuar viktimat e tërmetit.
****
16 janar
Presidenti amerikan Barak Obama ftoi në Shtëpinë e Bardhë ish presidentët George W. Bush dhe Bill Klinton për të diskutuar rreth misionit të tyre të përbashkët në ndihmë të popullit të Haitit.
Presidenti Obama tha se misioni i dy presidentëve dërgon një mesazh të qartë se Shtetet e Bashkuara mbështesin plotësisht popullin e Haitit.
Ish presidenti republikan George Bush tha se ishte i kënaqur që i përgjigjej thirrjes për të punuar krah për krah paraardhësit të tij demokrat, ish presidentit Bish Clinton për të mobilizuar dhëmbshurinë e popullit amerikan.
Ish presidenti Clinton u zotua për ndihmë afat gjatë për popullin haitian që ai t’i shpëtojë, siç u shpreh ai, historisë së tij dhe të ndërtojë një të ardhme më të mirë.
Dy presidentët kanë ngritur një fond, i quajtur Clinton Bush Haiti Fund, për të grumbulluar para për Haitin. Ky fond pranon donacione nëpërmjet Internetit dhe premton që 100 për qind të parave të përdoren menjëherë dhe drejtëpërdrejtë për përpjekjet e ndihmave.

Ndërkohë në Haiti, punonjësit e ndihmave po punojnë pa pushim për shpërndarjen e ushqimeve, ujit dhe ilaçeve tepër të nevojshme për të mbijetuarit e tërmetit në kryeqytetin Porto Princ dhe rreth tij.
Haiti dhe Shtetet e Bashkuara nënshkruan një marrëveshje në bazë të së cilës Shtetet e Bashkuara morën kontrollin e aeroportit në Porto Princ, ku mbërrijnë shumica e ndihmave.
Katër ditë pasi tërmeti e shndëroi pjesën më të madhe të kryeqytetit haitian në rrënojë, përpjekjet e ndihmave janë ngadalsuar nga bllokimi i aeroportit, rrugët e bllokuara dhe burimet e kufizuara.
Ekipet e ndihmave nga e gjithë bota ndodhen në Haiti për të ndihmuar, por punonjësit njoftojnës e po humbasin durimin, madje thonë se janë të shqetësuar rreth problemeve të sigurimit, nëse furnizimet nuk shpërndahen me shpejtësi.

Sekretarja amerikane e Shtetit, Hillari Klinton, pritet të shkojë sot në Porto Princ. Ajo do të takohet me presidentin Rene Preval dhe me anëtarë të qeverisë amerikane si dhe me punonjës të ndihmave për të përcaktuar mënyrat më të mira për të ndihmuar përpjekjet e rimëkëmbjes.
Edhe pse ende nuk ka një shifër zyrtare, bilanci i viktimave të tërmetit në Haiti mendohet se mund të arrijë në 200 mijë të vdekur. Lajmin e ka dhënë ministri i Shëndetësisë së Haitit, Antoine Bien Aime, të cilit i janë referuar mediat e huaja.
“Ne tashmë kemi mbledhur rreth 50.000 trupa të vdekur, por parashikojnë se numri i viktimave mund të jetë mes 100.000 dhe 200.000 të vdekur, edhe pse ne kurrë nuk do të dinë numrin e saktë,” tha ai.
Mes kaosit, viktimave, dhimbjes, mungesës së ushqimit e ujit dhe një pasigurie totale ka kaluar edhe një tjetër natë e të mbijetuarve të apokalipsit haitian.
Autoritetet vendore i tremben një manifestimi të mbushur plot urrejtje nga vetë të mbijetuarit, të cilët kanë deklaruar se tashmë ndihet tërësisht të braktisur nga shtetit.
Këtë frikë e ka shprehur edhe vetë presidenti i vendit, René Preval, i cili e ka pranuar këtë gjë gjatë një takimi që ka zhvilluar në Port-au-Prince me ministrin brazilian të Mbrojtjes, Nelson Jobim. “I trembet një revolte popullore për shkak të frustrimit që po shfaqet dita ditës mes të mbijetuarve. Për fat të keq me kalimin e kohës janë gjithnjë e më të paduruar dhe mes tyre rritet urrejtja”- ka thënë ai.
Sot në vend pritet të mbërrijë sekretarja amerikane e shtetit, HIllari Klinton, ndërkohë që tjetër vizitë në axhendë është ajo e sekretarit të përgjithshëm të OKB-së, Ban Ki Moon.

*****
Dhimbja kthehet në zemërim në Haiti. Nata e tretë mes viktimave

Të mbijetuar të tërmetit që shkatërroi kryeqytetin haitian, Port Au Prince, kanë kaluar natën e tretë me radhë jashtë në mes trupave të vdekur që mbushin rrugët.
Ndihmat kanë filluar të vijnë në aeroport dhe disa ekipe të kërkimit janë në terren duke sjellë ndihmën aq të nevojshme dhe ekspertizën.

Por ndërsa orët kalojnë, kufomat po shtohen dhe era e rëndë po mbush qytetin. Shumë vetë deri më tani kanë treguar durim, por gjenda po ndryshon.

Shtrirja e dëmeve është e pamundur të llogaritet. Komunitete të tëra, shkolla dhe stacione policie janë zhdukur. Dhe zërat që më parë dëgjoheshin nga nën gërmadhat tani kanë pushuar.
Misioni i OKB-së në Haiti
36 punonjës të OKB janë konfirmuar të vdekur dhe deri më tani 100 vetë nuk dihet se ku janë, midis tyre edhe shefi i misionit dhe zëvendësi i tij.
Ndihmës sekretari i përgjithshëm i OKB-së për operacionet paqeruajtëse Edmond Mulet duke folur nga kryeqyteti haitian tha se kjo kishte qenë një goditje e fortë për misionin e OKB në Haiti:
“Natyrisht është një moment shumë emocional për mua. Ne kishim një ndërtesë gjashtë katëshe që qëndronte pas meje dhe tani ajo çka mund të shohësh është një ndërtesë një katëshe. Dhe e dimë se 50-100 vetë janë nën gërmadha. Ne nuk dimë çfarë do të ndodhë.”

Rindërtimi i Haitit
Qeveria franceze thotë se ka rënë dakord me SHBA, Kanadanë, Brazilin për një konferencë ndërkombëtare për rindërtimin e Haitit pas tërmetit.

Më vonë gjatë ditës se premte, aeroplanmbajtësja amerikane, Carl Vinson, do të arrijë në bregdetin haitian për të ndihmuar koordinimin e furnizimeve të ndihmës.
Anije të marinës amerikane dhe mijëra trupa janë nisur për në Haiti me presidentin Obama duke thënë se kriza është një moment për udhëheqjen amerikane.

****
Tjetër tërmet në Haiti, rrugët janë kthyer në morgje të improvizuar

Një ditë pas apokalipsit haitian, instituti gjeofizik amerikan ka regjistruar nje tjeter termet ne kete zone. Lekundjet kane qene me nje magnitude 4.7 balle te shkalles Richter.
Epiqendra e termetit ndodhet ne nje zone rreth 50 kilometer nga kryeqyteti Port-au-Prince, ne nje thellesi prej 10 kilometrash.

Nderkohe, situata në zonë është më shumë se alarmante. Haitianët e tronditur po gërmojnë nën rrënoja në kryeqytetin Port-au-Prince, ku mendohet se 500 mijë vetë kanë humbur jetën (shifër ende jo zyrtare) ndërkohë qindra mijëra të tjerë kanë mbetur pa strehë.
Rrugët janë kthyer në morgje të improvizuara që nga tërmeti 7 ballë, që e ktheu zonën në një gërmadhë. Të mbijetuarit e pikëlluar kanë vendosur nëpër rrugë trupat e nxjerrë ndërsa njerëzit që janë ende të bllokuar thërrasin për ndihmë.
Kryeministri Jean-Max Bellerive i tha CNN-it dje se beson se më shumë se 100 mijë njerëz mund të kenë vdekur. Ndërkohë që një senator ka deklaruar se të vdekurit mund të jenë 500 mijë.
Gjithsesi presidenti i Haitit Rene Preval ka thënë për CNN se është shumë shpejt për të dhënë një numër të saktë të viktimave. Udhëheqësi haitian bëri thirrje për mjekë, dhe ndihmë mjekësore në përgjithësi.

Pallati kombëtar, së bashku me spitalin kryesor të kryeqytetit, një burg dhe selinë e misionit të Kombeve të Bashkuara janë mes mijëra strukturave që janë rrëzuar, duke treguar se numri i viktimave duhet të marrë disa javë për tu llogaritur.

Apokalipsi haitian, të vdekurit mund të jenë rreth 500 mijë !
Nje senator haitian Youri Latortue, i tha medias britanike se te vraret nga termeti i sotem en Haiti mund te jene rreth 500 mije.
Perpara tij, u fol per mbi 100 mije te vdekur, por pa saktesuar shifra.
Port-au-Prince është rrafshuar, pas një tërmet me magnitudë 7,0 që goditi kryeqytetin haitian.

Konsulli i përgjithshëm i OKB tha se edhe spitalet janë zhdukur, ndaj ndihma mjekësore është e pamundur për ishullin e shkateruar thuajse plotesisht.
“Kemi kaq shumë njerëz në rrugë, banesa të shkatërruara dhe disa lagje ku nuk shihen më njerëz”, u shpreh kryeministri, Jean-Max Bellerive.
Më parë, zonjë e parë në Haiti, Elisabeth Debrosse Delatour, u shpreh se pjesa më e madhe e kryeqytetit Port-au-Prince është shkatërruar, duke shtuar se kjo është një katastrofë e madhe. Afro 3 milionë njerëz, afro 1/ 3 e popullsisë së Haitit janë të prekur nga termeti.

Haiti, termet 7 balle

Qindra njerëz dyshohet se kanë mbetur nën rrënoja, kur një tërmet i fuqishëm 7 ballë goditi Haitin dhe shkatërroi ndërtesa pa fund, mes tyre edhe pallatin presidencial.
Tërmeti ishte me epiqendër në afërsi të kryeqytetit Porto Princ dhe cilësohet si më i fuqishmi që ka goditur atë zonë në 200 vjet.

shekulli.com.al

Vendoseni kte artikull :

Ky duket si një ndryshim politik i papritur dhe paksa dramatik, por Shtëpia e Bardhë thotë se ishte vendosur përpara Krishtlindjeve.

Kalimi i ligjeve në Senat nuk do të jetë e lehtë, por do të jetë më e lehtë sesa çuarja përpara e reformës në shërbimin shëndetësor, që duket se është lënë mënjanë për një kohë të pacaktuar në të ardhmen.

Për demokratët ky plan ka disa avantazhe të veçanta.

Disa republikanë, si ish kandidati për president John McCain, mbështesin prej kohësh ide të ngjashme.
Ata mund t’i mbështesin rregullat më të forta, ndërsa ata që nuk e bëjnë këtë mund të portretizohen si miqtë e diskritit financiar Wall Street, duke vepruar kundër interesave të përgjithshme.

shekulli.com.al

Vendoseni kte artikull :

Erhan Elibol, një veteriner, kryhet një caesarean të kafshëve për të marrë qengjin jashtë, por ishte i tronditur për të parë se tiparet e feçkë qengji i lindi një ngjashmëri mbresëlënëse me një fytyrë njerëzore.

Kreu i qengjit kishte tipare njerëzore – sy, hundë dhe gojë – vetëm veshët ishin ato të një dele.
Nuk dihet pse qengji i ka këto mutacione, por supozohet se faji do të jetë një e tepërta të vitaminës A.

Vendoseni kte artikull :

“Ne tashmë kemi mbledhur rreth 50.000 trupa të vdekur, por parashikojnë se numri i viktimave mund të jetë mes 100.000 dhe 200.000 të vdekur, edhe pse ne kurrë nuk do të dinë numrin e saktë,” tha ai.

Mes kaosit, viktimave, dhimbjes, mungesës së ushqimit e ujit dhe një pasigurie totale ka kaluar edhe një tjetër natë e të mbijetuarve të apokalipsit haitian.

Autoritetet vendore i tremben një manifestimi të mbushur plot urrejtje nga vetë të mbijetuarit, të cilët kanë deklaruar se tashmë ndihet tërësisht të braktisur nga shtetit.

Këtë frikë e ka shprehur edhe vetë presidenti i vendit, René Preval, i cili e ka pranuar këtë gjë gjatë një takimi që ka zhvilluar në Port-au-Prince me ministrin brazilian të Mbrojtjes, Nelson Jobim. “I trembet një revolte popullore për shkak të frustrimit që po shfaqet dita ditës mes të mbijetuarve. Për fat të keq me kalimin e kohës janë gjithnjë e më të paduruar dhe mes tyre rritet urrejtja”- ka thënë ai.

Sot në vend pritet të mbërrijë sekretarja amerikane e shtetit, HIllari Klinton, ndërkohë që tjetër vizitë në axhendë është ajo e sekretarit të përgjithshëm të OKB-së, Ban Ki Moon.

*****
Dhimbja kthehet në zemërim në Haiti. Nata e tretë mes viktimave

Të mbijetuar të tërmetit që shkatërroi kryeqytetin haitian, Port Au Prince, kanë kaluar natën e tretë me radhë jashtë në mes trupave të vdekur që mbushin rrugët.
Ndihmat kanë filluar të vijnë në aeroport dhe disa ekipe të kërkimit janë në terren duke sjellë ndihmën aq të nevojshme dhe ekspertizën.
Por ndërsa orët kalojnë, kufomat po shtohen dhe era e rëndë po mbush qytetin. Shumë vetë deri më tani kanë treguar durim, por gjenda po ndryshon.
Shtrirja e dëmeve është e pamundur të llogaritet. Komunitete të tëra, shkolla dhe stacione policie janë zhdukur. Dhe zërat që më parë dëgjoheshin nga nën gërmadhat tani kanë pushuar.

Misioni i OKB-së në Haiti
36 punonjës të OKB janë konfirmuar të vdekur dhe deri më tani 100 vetë nuk dihet se ku janë, midis tyre edhe shefi i misionit dhe zëvendësi i tij.
Ndihmës sekretari i përgjithshëm i OKB-së për operacionet paqeruajtëse Edmond Mulet duke folur nga kryeqyteti haitian tha se kjo kishte qenë një goditje e fortë për misionin e OKB në Haiti:

“Natyrisht është një moment shumë emocional për mua. Ne kishim një ndërtesë gjashtë katëshe që qëndronte pas meje dhe tani ajo çka mund të shohësh është një ndërtesë një katëshe. Dhe e dimë se 50-100 vetë janë nën gërmadha. Ne nuk dimë çfarë do të ndodhë.”
Rindërtimi i Haitit
Qeveria franceze thotë se ka rënë dakord me SHBA, Kanadanë, Brazilin për një konferencë ndërkombëtare për rindërtimin e Haitit pas tërmetit.
Më vonë gjatë ditës se premte, aeroplanmbajtësja amerikane, Carl Vinson, do të arrijë në bregdetin haitian për të ndihmuar koordinimin e furnizimeve të ndihmës.

Anije të marinës amerikane dhe mijëra trupa janë nisur për në Haiti me presidentin Obama duke thënë se kriza është një moment për udhëheqjen amerikane.
****
Tjetër tërmet në Haiti, rrugët janë kthyer në morgje të improvizuar
Një ditë pas apokalipsit haitian, instituti gjeofizik amerikan ka regjistruar nje tjeter termet ne kete zone. Lekundjet kane qene me nje magnitude 4.7 balle te shkalles Richter.
Epiqendra e termetit ndodhet ne nje zone rreth 50 kilometer nga kryeqyteti Port-au-Prince, ne nje thellesi prej 10 kilometrash.
Nderkohe, situata në zonë është më shumë se alarmante. Haitianët e tronditur po gërmojnë nën rrënoja në kryeqytetin Port-au-Prince, ku mendohet se 500 mijë vetë kanë humbur jetën (shifër ende jo zyrtare) ndërkohë qindra mijëra të tjerë kanë mbetur pa strehë.

Rrugët janë kthyer në morgje të improvizuara që nga tërmeti 7 ballë, që e ktheu zonën në një gërmadhë. Të mbijetuarit e pikëlluar kanë vendosur nëpër rrugë trupat e nxjerrë ndërsa njerëzit që janë ende të bllokuar thërrasin për ndihmë.
Kryeministri Jean-Max Bellerive i tha CNN-it dje se beson se më shumë se 100 mijë njerëz mund të kenë vdekur. Ndërkohë që një senator ka deklaruar se të vdekurit mund të jenë 500 mijë.
Gjithsesi presidenti i Haitit Rene Preval ka thënë për CNN se është shumë shpejt për të dhënë një numër të saktë të viktimave. Udhëheqësi haitian bëri thirrje për mjekë, dhe ndihmë mjekësore në përgjithësi.

Pallati kombëtar, së bashku me spitalin kryesor të kryeqytetit, një burg dhe selinë e misionit të Kombeve të Bashkuara janë mes mijëra strukturave që janë rrëzuar, duke treguar se numri i viktimave duhet të marrë disa javë për tu llogaritur.
Apokalipsi haitian, të vdekurit mund të jenë rreth 500 mijë !
Nje senator haitian Youri Latortue, i tha medias britanike se te vraret nga termeti i sotem en Haiti mund te jene rreth 500 mije.
Perpara tij, u fol per mbi 100 mije te vdekur, por pa saktesuar shifra.
Port-au-Prince është rrafshuar, pas një tërmet me magnitudë 7,0 që goditi kryeqytetin haitian.

Konsulli i përgjithshëm i OKB tha se edhe spitalet janë zhdukur, ndaj ndihma mjekësore është e pamundur për ishullin e shkateruar thuajse plotesisht.

“Kemi kaq shumë njerëz në rrugë, banesa të shkatërruara dhe disa lagje ku nuk shihen më njerëz”, u shpreh kryeministri, Jean-Max Bellerive.

Më parë, zonjë e parë në Haiti, Elisabeth Debrosse Delatour, u shpreh se pjesa më e madhe e kryeqytetit Port-au-Prince është shkatërruar, duke shtuar se kjo është një katastrofë e madhe. Afro 3 milionë njerëz, afro 1/ 3 e popullsisë së Haitit janë të prekur nga termeti.

Haiti, termet 7 balle

Qindra njerëz dyshohet se kanë mbetur nën rrënoja, kur një tërmet i fuqishëm 7 ballë goditi Haitin dhe shkatërroi ndërtesa pa fund, mes tyre edhe pallatin presidencial.

Tërmeti ishte me epiqendër në afërsi të kryeqytetit Porto Princ dhe cilësohet si më i fuqishmi që ka goditur atë zonë në 200 vjet.

Vendoseni kte artikull :

Kështu ka rrëfyer 42-vjeçari Massimo Tartaglia, agresori që dy ditë më parë i sakatoi fytyrën kryeministrit italian Silvio Berluskoni, duke i lëshuar në distancë një statujëz, që për pasojë i shkaktoi dhëmbë e nofull të thyer dhe dëmtime në fytyrë.

Ai ka pranuar se kryeministri nuk ka qenë kurrë në preferencat e tij dhe këtë e dinë edhe ata që punojnë me të, që e kanë bërë të njohur për mediat.

Por, se çfarë i shkoi ndër mend në kohën që ishte në shesh teksa kryeministri mbante atë diskutim, këtë nuk arrin ta shpjegojë saktë, as ai vetë.

Ai i ka kërkuar falje policëve që i ka “humbur kohë”, dhe më pas i ka nisur edhe një letër ndjese vetë Berluskonit përmes avokatëve mbrojtës të tij, duke e cilësuar aktin e bërë të poshtër e sipërfaqësor. Por ka shtuar më tej, se pavarësisht kësaj, ai nuk është killer i askujt.

Në letër ai ka deklaruar se ka vepruar i vetëm pa bashkëpunimin e askujt dhe ka përjashtuar ndikimit partiake. “Kur e pashë të afrohej, më hipi gjaku në kokë”- ka thënë ai.

***
Berluskoni pas sulmit gdhihet i qetë, kërkon të lexojë çfarë shkruajnë gazetat

“Sapo është zgjuar ka kërkuar menjëherë të lexojë gazetat”. Kështu raportojnë sot mediat italiane, që kanë në qendër të lajmeve të tyre sulmin ndaj kryeministrit Silvio Berluskoni.

Sipas mjekëve, që e kanë mbajtur në trajtim në spitalin San Raffaele në Milano ka kaluar një natë të qetë dhe kërkesa e parë e tij këtë mëngjes ka qenë të shikonte me urgjencë shtypin e ditës për të mësuar se çfarë kanë shkruar mediat lidhur me agresionin ndaj tij në sheshin Duomo, të Milanos.

DICITURAT GALERI FOTO
1 – Pamje nga fytyra e demtuar rende e Berluskonit
2 – Berluskoni ne Shqiperi

Goditet Berluskoni
Një goditje në nofull. Një fytyrë e gjakosur që fiksohet në kamera dhe aparate fotografike. Është Silvio Berluskoni, kryeministri italian që është goditur me një objekt të fortë nga një person i lodhur nga mënyra e tij e qeverisjes. Sapo kishte përfunduar takimi në “Piazza Duomo” në Milano. Berluskoni kishte sulmuar gjykatësi, kishte pasur përplasje verbale me disa persona që e kundërshtonin dhe tashmë po i drejtohej makinës së tij.
Ecën mes dy turmave të mbështetësve, i shtrëngon dorën njerëzve, firmos autografe. Situata është e qetë dhe përplasja verbale e disa minutave më parë është harruar. Por, papritur, goditet nga një objekt. Më pas mësohet se është një statujë souvenir e blerë pikërisht në sheshin e mitingut.
Kryeministri italian ul kokën dhe fytyra i mbushet me gjak. Janë momente dramatike. Eskorta merr “Kavalierin” dhe e tërheq në makinën e blinduar. Massimo Tartaglia, 42-vjeç, qëndron i ngurtësuar. Kundër tij shfaqet inati i të gjithë manifestuesve, agjentët e marrin dhe e largojnë. “Kam vrapuar me agjentët e policisë për të larguar agresorin që rrezikonte të linçohej”,- komenton ministri i Mbrojtjes Ignazio La Russa.
Berluskoni kthehet nga turma për ta siguruar. Bën një shenjë me dorë për të thënë “jam mirë”.
Janë momente paqartësie. Të dhënat e para flasin për një grusht në fytyrë por më pas mendohet se kryeministri italian është goditur nga afër me një statujë. Dinamika e ngjarjeve, sipas hetuesve, duket më shumë si një akt i izoluar se sa një agresion i organizuar.
Tartaglia dërgohet në kuesturë. Nuk është një aktivist politik. Policia nuk e njeh por më pas hapen fjalë se kurohet për probleme mendore. Pas marrjes në pyetje ai është arrestuar me akuzën e dëmtimeve të rënda me paramendim ndaj një funksionari publik. Tartaglia kishte në xhep edhe një tjetër statujë të vogël në formë kryqi si dhe një bombol sprai me piper.
Ndërkohë Berluskoni shkon në spitalin “San Raffaele” ku mjekët flasin për një çarje të buzës së poshtme. “Është mirë,- thotë besnikët e tij, kishte një qese me akull në fytyrë dhe dukej se nuk kishte probleme”.
Më pas dalin lajme të tjera që flasin për humbje të madhe gjaku, hematoma të brendshme e të jashtme, dëmtim të hundës, dy dhëmbë të thyer. Të njëjtat burime thonë se kryeministri italian nuk ka humbur në asnjë rast ndjenjat por prognoza e parë flet për 15 ditë nën kujdesin e mjekëve.
Vetë Berluskoni qetëson njerëzit që i ndodhen përreth: “Jam mirë” thotë teksa po e transferojnë nga urgjenca në një nga dhomat e spitalit. “Ndihem keq për këtë fushatë urrejtjeje ndaj meje. Ky është fryti i atyre që duan të përhapin urrejtje. Pothuajse e prisja…”,- thotë ai. Por më pas nuk harron të shtojë: Jam ende këtu, nuk mund të më ndalojnë.

Protesta, 350 mijë njerëz: Berluskoni ik
Pak ditë më parë kryeqyteti italian u përfshi nga protestat ku dhjetëra mijëra demonstrues kërkonin dorëheqjen e kryeministrit, Silvio Berluskoni. Organizatorët thanë se ishin 350 mijë pjesëmarrës në këtë demonstratë, ndërsa policia 90 mijë. Kjo ishte protesta e parë e organizuar në Itali pothuajse vetëm përmes njoftimeve në internet. Sindikatat, organizatat me orientim të majtë, Partia e hetuesve të dikurshëm anti-korruspion dhe ministri Antonio Di Pietro përkrahën të ashtuquajturën “No Berlusconi Day”. Kërkesa është e qartë: Berluskoni duhet të japë dorëheqjen. Dhe ku duhet të shkojë pastaj: më së miri në burg. Dhjetëra mijëra njerëz janë tubuar në qendër të Romës. Atyre iu ka ardhur në maje të hundës Berluskoni: politika e tij, skandalet e tij seksuale dhe përpjekjet e tij të vazhdueshme që përmes ndryshimit të ligjeve të pengojë proceset e ndjekjes penale. “Ka shumë vite që e them se është arritur pika e nivelit më të ulët. Dhe tani me të vërtetë ndodhemi në atë pikë. Të shkatërrohet tërë sistemi juridik i një vendi për interesat e një njeriu, është e tepërt”, sqaron një protestues. Sidoqoftë lajmet e mira nuk mungojnë as për protestuesit. Në Milano sapo është rihapur procedura për një proces korrupsioni kundër Berluskonit pasi Gjykata e Lartë Kushtetuese nuk miratoi një ligj imuniteti.

Lidhjet e kryeministrit me mafian
Jo shumë të këndshme janë për Berluskonin edhe akuzat se më herët ka pasur lidhje me mafien. Ai ka hedhur poshtë këto akuza duke i cilësuar si akuza qesharake. Kryeministri e quan veten me kënaqësi si prijës të luftës kundër mafies. Kështu që arrestimi i fundit i dy prej bosëve të mafies më të kërkuar në Itali, njëri prej tyre Gianni Nicchi – numri dy i “Cosa Nostrës” siciliane shkon në favor të kryeministrit Berluskoni. Përveçse në kryeqytetin italian protesta kundër Berluskonit ka pasur edhe në metropolet e tjera botërore si në Berlin, Londër, Paris, Nju Jork, Sidnej, Rabat dhe në qytet të tjera. Protesta në Berlin u zhvillua nën moton: “Shpëtoni Italinë, shpëtoni demokracinë. Berluskoni duhet të japë dorëheqjen”. Protesta në kryeqytetin gjerman drejtohej ndër të tjera kundër “kontrollit të pashembullt në botë të medieve” që ushtron Berluskoni në Itali.

Shekulli.com.al

Vendoseni kte artikull :

Nobel për Paqen, Kastro: Obama është treguar cinik
Ish-presidenti i Kubes, Fidel Kastro ka akuzuar presidentin amerikan Barack Obama se eshte treguar cinik duke pranuar Nobelin per Paqe.
Akuza sepse Obama “kishte vendosur te conte luften ne Afganistan, duke pare pasojat e fundit”.
Duke komentuar fjalimin ne West Point, Fidel thote se i ka kujtuar ish-presidentin Bush.
“Tani duhet te presim nje tjeter fjalim teatral ne Oslo, qe fsheh ekzistencen e nje superfuqije perandorake”.

Vendoseni kte artikull :

“Nuk mendoj se do te arrime te mposhtim Al Kaeden pa u kapur ose pa u vrare Bin Laden”, ka deklaruar komandanti i trupave aleate ne Afganistan.
“Vleresoj se ne kete pike ai eshte nje lloj ikone, mbijetesa e te ciles inkurajon perhapjen e Al Kaedes neper bote”, ka shtuar McChrystal perballe senatoreve te Komisionit te Marredhenieve Nderkombetare.

Vendoseni kte artikull :