Tatimet ne panik

Frika se situata zgjedhore do te ndikoje negativisht ne mbledhjen e te ardhurave ka detyruar tatimoret qe te jene ne gadishmeri. Drejtori i pergjithshem i Tatimeve Artur Papajani ka udheruar ngritjen e 12 grupeve qe do te mbikqyrin punen e 12 drejtorive rajonale te tatimeve ne qytet kryesore. Ky urdher vjen ne kulmin e fushates zgjedhore, ku frika se biznesi mund t’i shmanget detyrimeve te shtetit sa vjen dhe rritet. Nderkohe edhe efektiviteti i punonjesve te administrates shteterore gjate kesaj periudhe bie. Ky urdher, i siguruar nga Vizion Plus, ka si qellim te realizohet plani i mbledhjes se te ardhurave, kryesisht gjate muajit qershor, por ai do te jete ne fuqi deri ne realizimin e planit edhe per 6-mujorin e dyte te vitit, pasi periudha pas zgjedhjeve deri ne formimin e qeverise se re mbetet e veshtire per tu menaxhuar. Grupet qe do te mbikqyrin drejtorite rajonale do te raportojne cdo tre dite prane drejtorit te pergjithshem, duke evidentuar edhe ato subjekte qe kerkojne t’i shmangen detyrimeve. Puna e tatimoreve do te perqendrohet ne mbledhjen e kater tatimeve qe konsiderohen me te rendesishemet, tatim fitimin, tatimin mbi vleren e shtuar, sigurimet shoqerore dhe ato shendetesore si dhe tatimin mbi te ardhurat personale. Pak dite me pare drejtori i tatimeve u shpreh se si 5 mujor te ardhurat jane realizuar deri ne 103 % duke sfiduar jo vetem efektet e nje viti elektoral por edhe ato te krizes ekonomike. Por edhe pse situata pershkruhet si optimiste, ky urdher verteton te kunderten.

Vendoseni kte artikull :